Жаңалықтар

15 қыркүйекте Астана қаласының қылмыстық істер жөніндегі ауданаралық соты «Ахуал сегодня» YouTube арнасының авторы, журналист Азамат Омаровты ҚР ҚК 174-бабының 1-бөлігі — әлеуметтік араздықты қоздыру бойынша кінәлі деп таныды. Бұл туралы құқық қорғаушы Бақытжан Төреғожина әлеуметтік желідегі парақшасында хабарлады.

12 қыркүйекте Total.kz сайты Қазақстандағы бірқатар интернет-операторлардың пайдаланушылары үшін қолжетімсіз болып қалды. Бұл редакция мемлекеттік орган өкілінің Almaty SuperSki жобасы туралы мақаланы уақытша жасыру туралы өтінішін орындаудан бас тартқаннан кейін болды.

8 қыркүйекте Түркістан соты белсенді әрі «С-ИНФОРМ» газетінің өкілі Құрал Сейітханұлы Исмановты үш жылға бас бостандығынан айыру туралы үкім шығарды. Бұл туралы журналист Амангелді Батырбеков хабарлады.

Таразда журналист Айжан Әуелбекова ҚР ӘҚБтК-нің 456-2-бабы бойынша — жалған ақпарат пен заңға қайшы контент таратқаны үшін әкімшілік хаттама толтыру мақсатында полицияға шақырылды.

15 қыркүйекте Алматы қалалық сотында журналист Александра Алёхованың (Сенцова) қылмыстық ісі бойынша берілген апелляциялық шағым қаралады. Сот отырысы жабық режимде сағат 11:30-ға белгіленді.

Журналистерді қорғау комитеті (CPJ) Қазақстанның Құрылтайын парламент ғимаратында журналистердің еркін жүріп-тұруына және депутаттарға тікелей сұрақ қоюына шектеу қоятын жаңа ережені алып тастауға шақырды.