Жаңалықтар

«Әділ Сөз» сөз бостандығын қорғау халықаралық қоры мен Швейцарияның Қазақстандағы елшілігі БАҚ және заманауи медиа саласында жұмыс істейтін әйелдерді ақпараттық қауіпсіздік мәселелері бойынша тренингке қатысуға шақырады. 

Әйел журналистер үшін арнайы әзірленген тренинг бағдарламасы интернеттегі қауіп-қатерлерге (олар әйелдердің қауіпсіздігіне, беделіне және болашақтағы жұмысына әсер етеді) қарсы тұруға бағытталған.  

28 қараша 2024 жылы Астанада SJMED (Solutions Journalism in Medicine) жобасының қорытындысы бойынша дөңгелек үстел өтті. Жобаны 2024 жылдың маусымынан қараша айына дейін АҚШ-тың халықаралық даму агенттігі (USAID) қолдауымен, БҰҰ-ның Балалар қоры (ЮНИСЕФ) және «Әділ сөз» сөз бостандығын қорғау халықаралық қоры жүзеге асырды. Жобаның мақсаты – шешім журналистикасы жанрын қолдана отырып, медицина тақырыптарына арналған журналистік материалдарды түсінікті, қызықты, пайдалы және дәйекті ету.

«Әділ сөз» сөз бостандығын қорғау халықаралық қоры Ұлыбританияның Қазақстандағы елшілігімен бірлесіп, «Шешім журналистикасы зертханасы – II» (Solutions Journalism Lab II) жобасының іске қосылғанын хабарлайды. Бұл – 2023 жылдың қыркүйегінен 2024 жылдың ақпанына дейін жүзеге асырылған «Шешім журналистикасы зертханасы» атты сәтті жобаның жалғасы.
 

«Әділ сөз» сөз бостандығын қорғау халықаралық қоры 2024 жылы 20 қарашада Батыс Қазақстан облыстық сотының ғимаратында Umarovnews.kz интернет-басылымының журналисі Талғат Омаровқа жасалған шабуылға алаңдаушылық білдіреді.