Жаңалықтар

Адам құқықтарын өлшеу жөніндегі халықаралық бастама – Human Rights Measurement Initiative (HRMI) Қазақстан азаматтарының негізгі саяси және азаматтық бостандықтарды қаншалықты пайдалана алатынын бағалады.

Лұқпан Ахмедьяровтың Instagram аккаунты бұғатталды.

27 қазанда Facebook «Әділ сөз» сөз бостандығын қорғау халықаралық қорының ресми парақшасын үшінші тұлғаның авторлық құқықты бұзды деген болжамды шағымынан кейін бұғаттады.

Қазақстанда шетелдік БАҚ пен журналистерді аккредиттеу ережесі өзгерді. Енді Қазақстанның Сыртқы істер министрлігі «ұлттық қауіпсіздік мүддесін» негізге алып, аккредиттеуден бас тарта алады немесе оның қолданылуын тоқтатып, күшін жояды. Жаңа ережеде бұл негіздерді қолданудың нақты өлшемі белгіленбеген. Бұл туралы Exclusive.kz хабарлайды.

22 қазанда Азаттық Азия тілшісі Бағдат Асылбек алаяқтық жасады деген арыз бойынша күдіктеліп, түсініктеме алу үшін Алматы полиция департаментіне мәжбүрлеп жеткізілген. Журналист полицияда болған кезде белгісіз адамдар оның пәтерінің есігін бұзып кірген. Бұл туралы Азаттық Азия хабарлады.

«Сарыағаш-Информ» басылымының бас редакторы Амангелді Батырбеков бұған дейін жала жабу бабымен айыпталып, 20 тәулікке әкімшілік қамауға алынғаннан кейін тағы екі айға қамалды. Бұл туралы блогер әрі азаматтық белсенді Тортуыл Шоқан әлеуметтік желідегі парақшасында хабарлады.