Жаңалықтар

«Шекарасыз тілшілер» (RSF) халықаралық ұйымы тәуелсіз ҚазТАГ ақпарат агенттігінің бас директоры Асет Матаев пен бас редакторы Әмір Қасеновқа қатысты сот процесін зерттеген материалын жариялады.

Журналистерді қорғау комитеті (CPJ) өз сайтында Қазақстандағы парламент сайлауы қарсаңында журналистерге жасалып жатқан бұрын-соңды болмаған қысымға баға берген материал жариялады. Халықаралық ұйым сарапшылар мен құқық қорғаушылар журналистерге қатысты қылмыстық қудалау, әлеуметтік желілердегі бұғаттау және журналистік қызметпен айналысуға тыйым салуды қолдану үрдісінің күшейіп бара жатқанына алаңдаулы екенін жазады.

2026 жылғы 23 тамыз яғни осы жексенбіде Құрылтай сайлауы өтеді. Журналистерге сайлау күні заң талаптарын бұзбай жұмыс істеу тәртібін еске саламыз.

Бүгін Алматы қаласы Бостандық ауданының №2 соты Orda.kz-тің бұрынғы басшысы Гүлнәр Бажкеноваға үкім шығарды. Сот журналисті сегіз жылға бас бостандығынан айырып, жазаны өтеуді екі жылға кейінге шегеріп, бес жыл бойы журналистік кәсіппен айналысуына тыйым салды.

«Құқықтық медиа-орталық» қоғамдық қорының Media Qoldau құқықтық қызметінің жетекшісі Гүлмира Біржанованың  Facebook-аккаунты бұғатталды. Meta-ға шағымданғанымен, компания әзірге  бұғат себебін түсіндірмеген. Бұл туралы Азаттық радиосының  Telegram-арнасы жазды. 

«Әділ сөз» сөз бостандығын қорғау халықаралық қоры ҚР Мәдениет және ақпарат министрлігінің тәуелсіз БАҚ пен журналистер аккаунттарының жаппай бұғатталуына қатысты ресми пікір білдірді.