Жаңалықтар

«Әділ сөз» сөз бостандығын қорғау халықаралық қоры Ұлыбританияның Қазақстандағы елшілігімен бірлесіп, «Шешім журналистикасы зертханасы – II» (Solutions Journalism Lab II) жобасының іске қосылғанын хабарлайды. Бұл – 2023 жылдың қыркүйегінен 2024 жылдың ақпанына дейін жүзеге асырылған «Шешім журналистикасы зертханасы» атты сәтті жобаның жалғасы.
 

«Әділ сөз» сөз бостандығын қорғау халықаралық қоры 2024 жылы 20 қарашада Батыс Қазақстан облыстық сотының ғимаратында Umarovnews.kz интернет-басылымының журналисі Талғат Омаровқа жасалған шабуылға алаңдаушылық білдіреді.
 

Бүгін, 4 қарашада Астана қаласының азаматтық істер жөніндегі ауданаралық сотында тоғыз журналистің Мәдениет және ақпарат министрлігі мен Әділет министрлігіне қарсы ұжымдық талап арызы бойынша сот отырысы өтті. Журналистер «Журналистерді аккредиттеудің үлгілік ережесін» бекітетін жаңа бұйрықтың бірқатар ережесіне қарсы шығып, оны қызметімізді шектейді және конституциялық емес деп санайды.

31 қазанда Астана қаласы бойынша ауданаралық азаматтық істер сотында тоғыз журналисттің Қазақстан Республикасының Мәдениет және ақпарат министрлігіне қарсы ұжымдық шағымы бойынша алғашқы сот отырысы өтті. Талап қоюға аккредиттелген журналистерге мемлекеттік органдардан алынған ақпаратты кез келген БАҚ арқылы таратуға тыйым салатын жаңа бұйрықтың ережелері себеп болды.

Алайда, журналисттердің талаптары мен сұрақтарына нақты және түсінікті жауаптардың орнына, қарама қарсы тараптың ұстанымы тек одан да көп сұрақ тудырды.