Жаңалықтар

Алматы қаласының Бостандық аудандық соты «Etude-Ybyrai» ЖШС-нің журналист, «Гиперборей» YouTube-арнасының авторы әрі жүргізушісі Вадим Борейкоға қарсы арызы бойынша шешім шығарды. Сот журналисті құрылыс компаниясына 43 миллион теңге төлеуге және жариялаған ақпаратын теріске шығаруға міндеттеді.

Алматы қалалық сотының апелляциялық алқасы журналист Александра Алёховаға шығарылған  үкімді өзгертті. Оның бас бостандығынан айыру жазасын үш жылдан екі жылға азайтты.

Қазақстандық «Уральская неделя» басылымының Instagram желісіндегі ресми аккаунты бұғатталды. Себеп ретінде платформаның зияткерлік меншік құқығын сақтау жөніндегі талаптарының ықтимал бұзылуы көрсетілген. Бұл туралы «Құқықтық медиа орталық» қоғамдық ұйымы хабарлады.

2012 жылдан бері алғаш рет әлемде журналистерді өлтіру қылмыстары үшін жазасыз қалу деңгейі өсті. 2024–2025 жылдары бұл көрсеткіш алдыңғы екі жылдық кезеңдегі 85%-дан 86%-ға жетті. Бұл журналистерді өлтірудің әрбір жеті оқиғасының алтауы жазасыз қалатынын білдіреді. Бұл туралы UNESCO-ның жаңа баяндамасында айтылған.

«Шекарасыз тілшілер» (RSF) халықаралық ұйымы Қазақстан президенті Қасым-Жомарт Тоқаевты 2026 жылғы 33 тұлға енген «Баспасөз бостандығының жыртқыштары» тізіміне енгізді. RSF материалдында  ол БАҚ пен журналистерге қысым көрсету үшін заңнама мен сот тетіктерін пайдаланғаны үшін «Құқық» санаты бойынша тізімге енгені айтылған.

Facebook авторлық құқықтың бұзылуы туралы шағымнан кейін бұғатталған қор парақшасын қалпына келтірді.