Жаңалықтар

2014 жылдың 29 мамырында түнге таман «ДАТ – Общественная позиция» газетінің кезекті нөмері басылып жатқан «Бизнес-информ» баспаханасына ҰҚК бір топ қызметкері баса көктеп кіріп, баспахананың жұмысшыларын қызмет орынынан қуып шыққан.

27 мамырда Астананың маңында полицейлер Еуразиялық экономикалық одақты (ЕЭС) құру идеясын сынаған жиынның 20ға жуық қатысушыларын ұстап алды. Азаттық радиосы хабарлағанындай, қатысушылармен қатар шара туралы материал дайындап жүрген Азаттық радиосының репортері Өркен Жоямерген, «16/12» интернет-порталының қызметкерлері Санат Урналиев пен Виктор Гудзь де ұсталыпты.

Қарағандыда «Пятый канал» телеарнасының түсірілім тобына шабуыл жасалынды. Жағдай Нұркен Әбдіровтің даңғылында орналасқан «Дэвачан» мейрамханасының қасында орын алған. Бұл жерге журналист Айымтөре Абдина мен оператор Арғын Өмір жазғы кафелерді жоспарлы түрде бұзу туралы бейнекөрсетілім түсіруге келген. Оларды көрші көпқабатты үйдің тұрғындары шақырып, тура терезелерінің астындағы құрылыс жұмыстарының даңғырын айтып, шағымданған.

Теміртаудың қалалық соты «43 канал» және «ТКТ» телеарналарының құрал-жабдықтарының жұмыс жасауына берілетін рұқсат құжаттарын қайтарып алу туралы шешім шығарды. Сот дауы бірнеше жылдан бері жалғасуда. Жағдайдың бұлай өрбуіне телеаналардың хабар таратуға арналған бүкіл қажетті құрал-жабдықтары мен кеңселері орналасқан онқабатты үй тұрғындарының арыздануы себеп болған. Тұрғындар технологиялық шуыл және антенна мен таратқыштардың электромагнитті сәуле шығаруы мазалайтынын айтқан. Теміртау қалалық соты, тұрғындар жағына шығып, телехабарларды тарату техникалық құралдарын пайдалануға тыйым салатын шешім шығарды. Соттың шешімі былтырғы жылдың желтоқсанында заңды күшіне енді.