Алматыда белгісіз біреу журналист Данияр Молдабековке шабуыл жасады
22 ақпан 2023
Бүгін таңертең белгісіз ер адам журналист Данияр Молдабековті ұрып кетті. Даниярдың айтуынша, шабуылдаушы балағаттап қоқан-лоққы көрсеткен. Журналистің қандай материалы мұндай реакция тудырғаны әзірге белгісіз.
Бұл Алматыда журналистерді қудалаудың бірінші оқиғасы емес. 20 ақпанда Youtube желісіндегі «Гиперборей» арнасы операторының екі көлігін өртеп кетті. Бұған дейін белгісіз біреулер журналист Вадим Борейконың пәтерінің есігіне құрылыс көбігін құйып кеткен еді. Динара Егеубаеваның көлігі өртелді. Ulysmedia жетекшісі Самал Ибраева, Orda.kz және Elmedia сайттарының редакциялары мен басшылығы қудалау көріп, қорқытуларға тап болған еді.
