Астанада Vlast.kz фотографы ұсталды
11 сәуір 2023
Бүгін Астанада ҚазМұнайГаз кеңсесінде наразылық акциясын жариялау кезінде Vlast.kz фотографы Жанар Кәрімова ұсталды.
Басылымның бас редакторы Вячеслав Абрамовтың айтуынша, Кәрімованы полиция бөліміне жеткізген. Құқық қорғау органдарының қызметкерлері оның камерасын тәркілеген.
Vlast.kz журналисі Бейімбет Молдағалиевке екі рет видеотүсірілімге кедергі жасауға тырысып, камерасын құлатқан.
Басылым өзінің telegram-каналында болған оқиға туралы хабарлағаннан кейін Жанар Кәрімова босатылды.
Екі журналист те «Пресса» деп жазылған кеудешеде және қолдарында қызметтік куәліктері болған.
