Наурыздың 30-ы.
Алматы Омарова, Total Media Qazaqstan ЖШС (Алматы қ.)
Алматыда сот «Астана-ЕРЦ» компаниясының Total.kz сайтына қарсы шағымын қарауға қабылдады
Наурызда Алматы қаласы Алмалы ауданының N2 аудандық соты Total.kz ақпараттық агенттігінің тілшісі Алма Омарова мен «Total Media Qazaqstan» ЖШС-гіне қарсы «Астана-EРЦ» ЖШС-нің іскерлік беделін қорғау туралы талап арызын қарауға қабылдады.
Талапкер журналистер серіктестіктің қызметіне қатысты ар-намысты қорлайтын ақпарат таратқанын алға тартып, жауапкерлерден Total.kz сайтында 2022 жылдың 8 тамызында жарық көрген «1,5 миллиарда тенге должно вернуть ТОО «Астана-ЕРЦ» столичным потребителям» деген мақаланың үзіндісін жоққа шығаруды талап етуде.
«Total Media Qazaqstan» ЖШС соттан талапкерге келесі негіздер бойынша талап қоюды қанағаттандырудан бас тартуды сұрады.
Белгілі болғандай, дәл осы мақалаға қатысты «Астана-EРЦ» ЖШС-і сотқа шағым түсіріп үлгерген. Іс Астана қаласының Есіл аудандық сотында 2022 жылдан бері қаралуда. Бұл процесте «Total Media Qazaqstan» ЖШС мен «ҚазТАГ» ХАА талаптарын мәлімдемейтін үшінші тарап ретінде қатысуда.
Сәуірдің 3-і.
Екатерина Комиссарова (Қостанай қ.)
Георгий Говоров, «Наша Газета» (Қостанай қ.)
Қостанай облыстық соты өз оқиғасын БАҚ-пен бөліскен оқытушының кінәсіздігін растады
3 сәуірде Қостанай облыстық соты Қостанай қаласының Әкімшілік құқық бұзушылық істері жөніндегі мамандандырылған сотының Қостанай тұрмыстық қызмет көрсету колледжінің оқытушысы Екатерина Комиссарованы кінәсіз деп тану туралы қаулысын өзгеріссіз қалдырды.
Бұған дейін Комиссарова «Наша Газетаға» 4 миллион теңге несие алып, 2 жыл бойы қарызын өтемеген колледж директоры А.Нұркинаға ақшаны қалай бергенін айтып берген. Бұл туралы «Наша Газета» 27 қаңтарда Комиссарованың мәлімдемесі мен тергеушінің шешіміне сілтеме жасап хабарлады. Мақала жазған журналист Айгүл Нұркинаға хабарласқан, бірақ ол пікір білдіруден бас тартқан.
Мақала шыққаннан кейін колледж директоры ҚР ӘҚБтК 73-3-бабы (жала жабу) бойынша оқытушыны әкімшілік жауапкершілікке тартуды талап етті.
Іс сотқа берілді. 14 наурызда Әкімшілік құқық бұзушылық жөніндегі мамандандырылған сот істі тоқтатты. Себебі, Е.Комиссарованың іс-әрекетінде әкімшілік құқық бұзушылық болмаған.
3 сәуірде Әкімшілік соттың қаулысы заңды күшіне енді. Жәбірленуші мен өкілінің апелляциялық шағымы қанағаттандырылмады.
Сәуірдің 6-сы.
Кристина Кобина, «Мой город», «Медиа старт 2012» ЖШС (Орал қ.)
Сот мақала тақырыбының бір бөлігінің күмәнді мағынасы үшін «Мой город» газетіне қарсы арызды 2% қанағаттандырды
6 сәуірде Орал қаласының №2 соты «Батыс Су Арнасы» АҚ басшысы Әнуар Әркеновтың «Мой город» газетінің «Медиа старт 2012» ЖШС құрылтайшысы және басылым журналисі Кристина Кобинаға қарсы ар-намысын, қадір-қасиетін және іскерлік беделін қорғау туралы талабын қарады.
Естеріңізге сала кетейік, Әнуар Әркенов «Директора ТОО «Батыс су арнасы» обвинили в растрате денег, а его заместителя - в пьянстве» деген мақалада таратылған мәліметтерді шындыққа жанаспайды және жауапкерлерден мақаланы теріске шығаруды, «Медиастарт 2012» ЖШС мен Кобина Кристинадан 5 млн. теңге моральдық зиянды өндіріп беруді әрі 400 000 теңге сомасында сот шығынын, 53180 теңге мемлекеттік баж салығын төлеуді міндеттеуді сұрады.
Мақалада журналист Zhaloby_uralsk_official Instagram-да жарияланған анонимді хатқа сілтеме жасайды. Онда ЖШС директорының талаптары кәсіпорын директоры қызметкерлерді себепсіз жұмыстан шығарады, Қарағандыдан қызметкерлерді тағайындайды, сондай-ақ ақшаны жымқыру және ұрлаумен айналысады деген мәліметтер келтіріледі.
Сотта редакцияның мүддесін «Әділ сөз» қорының адвокаты Сергей Уткин қорғады.
Дауда келісімге келу мүмкін болмады. Талапкер газет пен бас редактордан бірнеше рет кешірім сұрап, теріске шығаруды және мақаланың тексерілмеген ақпаратқа негізделгенін мойындауды талап етті.
Кристина Кобина материалдың тексерілген фактілер мен Әркеновтың түсініктемелері негізінде дайындалғанын айтады.
6 сәуірде судья Бақытгүл Баймағамбетова арызды ішінара қанағаттандырды.
Теріске шығарудан басқа, тілші Кобина мен «Медиастрат 2012» ЖШС Әркеновке 100 мың теңге мөлшерінде моральдық зиянның өтемақысын, сотта өкілдің көмегіне 50 мың теңгеден, сот лингвистикалық зерттеу жүргізгені үшін 60 370 теңгеден, сондай-ақ 1 363 теңге мөлшерінде мемлекеттік бажды төлеуге тиіс.
«Медиа Старт 2012» ЖШС мен журналист Кристина Кобина шешімге шағымданатынын мәлімдеді.
