26 қазан.
Амангелді Батырбеков, «С-Информ» (Сарыағаш, Түркістан облысы)
Апелляциялық сот Амангелді Батырбековті 20 тәулікке қамауға алу туралы шешімді өзгертпеді
Бұған дейін хабарланғандай, 9 қазанда Түркістан облысы Сарыағаш ауданының әкімшілік құқық бұзушылық істері жөніндегі мамандандырылған соты «С-Информ» басылымының бас редакторы Амангелді Батырбековті жала жабу туралы істе кінәлі деп тапты.
Іс Құқықтық статистика және арнайы есепке алу комитетінің Шымкент қаласы бойынша департаментінің басшысы А.Сапарғалиевтің арызы бойынша «Нағыз қарабет кім екен?» деген мақалаға байланысты қозғалған. Мақала басылымда 30 маусымда жарияланған.
Онда Амангелді Батырбеков кезектен тыс Парламент сайлауында депутаттыққа үміткер Б.Нәжметдинұлының соттылығы жоқтығы туралы жалған анықтама ұсынғанын, Құқықтық статистика және арнайы есепке алу комитетінің Шымкент қалалық бөлімінің қызметкері оған екі анықтама бергенін жазған. Біреуінде соттылығы бар екенін, екіншісінде - соттылығының жоқтығы айтылады.
А.Батырбеков өз кінәсін мойындамай, әкімшілік құқық бұзушылық туралы хаттамамен келіспеген. Ол сотта 2023 жылдың маусым айында Нәжметдинұлының соттылығы туралы ақпаратты департамент бастығының өзі растағанын айтты.
Құқықтық статистика комитетінің қызметкері Нәжметдинұлының соттылығы жойылғандықтан және сыбайлас жемқорлыққа қатысты істер бойынша тіркелмегендіктен, анықтамалардың бір-біріне қайшы келмейтінін түсіндірді.
Әкімшілік құқық бұзушылық жөніндегі сот Амангелді Батырбековті ҚР ӘҚБтК 73-3-бабының 2-бөлігі бойынша кінәлі деп таныды (жала жабу). Журналистке 20 тәулікке әкімшілік қамауға алу шарасы қолданылды.
19 қазанда Түркістан облыстық сотының апелляциялық алқасы бірінші сатыдағы соттың шешімін өзгеріссіз, ал Батырбековтың шағымын қанағаттандырусыз қалдырды.
Облыстық соттың шешіміне кассациялық тәртіпте шағымдануға болады.
30 қазан.
Людмила Калашникова, «Уральская неделя» (Орал)
Шенеунік «Уральская неделя» журналисін сотқа берді
Батыс Қазақстан облысының табиғи ресурстар және табиғатты пайдалануды реттеу басқармасы басшысының орынбасары Бисен Хайруллин Орал қаласының N2 сотына «Уральская неделя» газетінің редакциясы және журналист Людмила Калашниковаға қарсы ар-намысын, абыройын және іскерлік беделін қорғау туралы арыз түсірді.
Оған осы жылдың 16 тамызындағы «Разработки трех новых карьеров ПГС в пойме Урала не будет» деген мақала себеп болды.
Бисен Хайруллин арызда журналист оған Жайық жайылмасында жаңа үш ПГС карьерін игеру мәселесі бойынша директордың орынбасары ретінде хабарласқанын және егжей-тегжейлі және дәлелді ақпарат беруге мүмкіндігі болмағанын оның «жедел режимде көрсетілген карьерлер бойынша сұрақтарына жауап бергені», ал журналистің оны мақаланы жарияланғаны туралы хабардар етпегені, мақаланың мәтінімен таныстырмағандығы сондай-ақ өзінің немесе мемлекеттік органның мақаланы жариялауға келісім бермегені айтылған.
Арызданушы: «Газет журналисі менің сөздерімді өз бетінше бұрмалады, өйткені мұндай сөздер телефон арқылы сөйлесу кезінде газет журналисіне тікелей айтылмаған, сонымен қатар әңгімені аудиожазбаға жазатыны туралы маған ескертпеді» дейді.
Ол «разрабатывать карьеры на территории гослесфонда мы все таким им не дадим» деген сөздерді шындыққа жанаспайтын деп тану және теріске шығаруды сұрайды. Бисен Хайруллин бұл мәлімдемелер мемлекеттік қызметші ретіндегі оның ар-намысына, абыройына және іскерлік беделіне, атап айтқанда, ПГС карьерін игеретін компаниялардың алдында оны «халық көзінше авторитарлық, шексіз билікке бейім тұлға ретінде және құқық нормаларын елемей, бір мақсатты көздеген озбырлық – бұл кәсіпорындардың жұмысына қандай да бір жолмен тыйым салуды көрсетеді» деп санайды.
2 қараша.
«Наша Газета» (Қостанай)
Павлодар тұрғыны «Наша газетадан» «кешірім сұрап теріске шығаруды» талап етті
26 қазанда «Наша газета» апталығының электрондық поштасына павлодарлық Юлия Науманнан хат келіп түсті.
Хат авторы 2018 жылғы 6 желтоқсандағы «Организация свадебных генералов» деген тақырыппен және «Лже-представители ООН продолжают свою активность в Казахстане» деген тақырыппен берілген мақала оның есіміне, ар-намысына, абыройы мен іскерлік беделіне нұқсан келтірді, сондай-ақ оның атына кір келтіреді және моральдық азап шектіреді деп есептейді.
Атап айтқанда, Ю.Науманның талабы оның әлеуметтік желіден алынған фотосы және edupvl.gov.kz сайтынан алынған балалар ауылындағы іс-шарадан түсірілген топтық суреті жарияланған мақаланың бір бөлігіне қатысты.
Онда: «Павлодар облысының білім беру басқармасының сайтында баспасөз қызметінің басшысы және CIPDH сапа бақылау инспекторы Юлия Науман отбасылық үлгідегі балалар ауылына барғандығы туралы мақалада сонымен қатар БҰҰ... өкілі деп аталады».
«Аталған абзацта Павлодар облысының білім басқармасының сайтына сілтеме жасалғанымен, мақаланың жалпы мағыналық бағыты мен субтитрдің контексті қоғамдық санада мені арам, намыссыз адам ретіндегі пікірді қалыптастырады. Өзіне халықаралық ұйымдардың – БҰҰ-ның өкілі мәртебесін беріп, жұмысы мен өмірінде барлығын алдайды. Егер бұл ақпарат шындыққа сәйкес келсе, оның мағынасы да менің заңсыз әрекетімді көрсетеді», - деп жазады Юлия Науман.
Ол мақала тақырыбының өзіне еш қатысы жоқтығын және оны көрсетілген контексте атап өтудің редакциялық қате екенін, сондай-ақ дауды сотқа дейін реттеп 100 мың теңге моральдық шығынды өтеп «кешірім сұрап теріске шығаруды» жариялауды талап етеді.
Қарашаның 2-сі күні «Наша газетаның» бас редакторы Тимур Гафуров электронды пошта арқылы шағымға жауап жіберді.
Жауапта «Мақалада баспасөз қызметінің басшысы және сапаны бақылау инспекторы Юлия Науман Павлодар облысы білім басқармасының сайтында отбасылық үлгідегі балалар ауылына барғаны туралы мақалада БҰҰ өкілі ретінде аталғаны туралы ақпаратта бастапқы дереккөзге сілтеме жасалған.
«Кенжекөл ауылының отбасылық үлгідегі балалар ауылы» МКМ сайтында әлі күнге дейін Алғыс айту күніне Ю. Науманның барғаны туралы мақала орналастырылған», - делінген.
