21 қыркүйек.
Қоғам (Қазақстан)
Журналистерді қорғау комитеті (CPJ)
Халықаралық ұйым МКК тізімін ресейлік шетел агенті тәжірибесімен салыстырды
21 қыркүйекте «Журналистерді қорғау комитеті» (CPJ) халықаралық ұйымы Мемлекеттік кірістер комитеті (МКК) шетелден қаржы алатын жеке және заңды тұлғалардың тізімін, сонымен қатар журналистер мен құқық қорғау ұйымдарының мәліметтерін жариялаған соң, мәлімдеме жасады.
CPJ бұл тізімге журналистер аты-жөнінің, БАҚ және құқық қорғау ұйымдарының атауының енгізілуі Ресейде соңғы жылдары байқалған «шетел агенті» тәжірибесін еске түсіреді деп санайды.
Құқық қорғау ұйымы Қазақстанды «бұқаралық ақпарат құралдарының, журналистердің, және баспасөз еркіндігі үшін күресіп жүрген күрескерлердің аты-жөні мен жеке мәліметтерін жариялауды тоқтату және олардың шетелдік байланыстары немесе қаржыландыруы үшін жазадан қорықпай, еркін және қауіпсіз жұмыс істеуіне мүмкіндік беру» туралы халықаралық міндеттемелерін сақтауға шақырды.
23 қыркүйек.
Министр Аида Балаева шетелден қаржыландырылатындар тізімі мен «шетел агенті туралы» Заңнан ұқсастық іздемеуге кеңес берді
23 қыркүйекте Мәдениет және ақпарат министрі Аида Балаева Қаржы министрлігінің шетелден қаржы алатын тұлғалар тізімін жариялауына қатысты түсініктеме берді:
«Мәселе мынада, Қазақстанда тіркелген барлық қоғамдық ұйымдар салық органдарына есептерін, ал қызметі туралы ақпаратты Мәдениет және ақпарат министрлігі Азаматтық қоғам істері комитетінің ҮЕҰ деректер базасына тапсырады. Бұл әлемнің барлық елдерінде қолданылатын табиғи механизм. АҚШ-та кез келген қаржылық операцияның темірдей қатаң үш принципті ережесі бар. Ол – ашықтық, бәсекелестік және адалдық.
Біздің жағдайда ҮЕҰ деректер базасы ҮЕҰ қызметінің ашықтығын қамтамасыз етеді және олар туралы халықты ақпараттандыруға, сондай-ақ конкурстық негізде шетелдік қаржыландыруды алуға мүмкіндік береді. Демек, Қаржы министрлігі енгізген шетелден қаржы алатын тұлғалардың тізімі оны жариялау заңнама талаптарына толық жауап береді.
Сонымен қатар, мұнда шетел агенті туралы заңға ұқсастық іздеудің қажеті жоқ, өйткені ол жоқ, біз тек салық аударымдары туралы айтып отырмыз» деді.
27 қыркүйек.
Қоғам (Қазақстан)
Банк «Эхоның» шетелдік ақшаны алушылардың тізіміне жататындығына талдау жасады
«Эхо» қоғамдық ұйымының директоры Павел Лобачев BES.media-ға 23 қыркүйекте «Нұрбанк» ақша беруден бас тартып, ұйымның есеп-шотын уақытша бұғаттап тастағанын айтты. Лобачевтің өтініші мен банк заңгерлеріне қойған талабынан кейін есеп-шот бұғаттан шығарылды.
Nurbank BES.media-ға шет мемлекеттен, халықаралық және шетелдік ұйымдардан, шетелдіктерден, азаматтығы жоқ адамдардан ақша және/немесе өзге де мүлік алатын тұлғалардың тізімі ресми жарияланғаннан кейін банкте «осы анықтамалықты жүктеу және банк клиенттерінің осы тізімге қатысының бар-жоғын талдау бойынша» жұмыстар жүргізілді деп түсіндірді.
