Маусымның 28-і.
Диана Сапарқызы, «ҚазТАГ» ХАА (Қарағанды)
Қарағанды облысының тергеушісі полицияға арыз жазған журналисті балағаттады
«ҚазТАГ» ІІМ-нің Қарағанды облысы бойынша тілшісі Диана Сапарқызының жеке мәліметтері танысу сайтында жарияланған. Бұл туралы журналист 28 маусымға қараған түні болған оқиғадан кейін білді.
Түнгі сағат 00.13 шамасында белгісіз ер адам оның пәтерінің есігін ұра бастаған.
«Бұл кім?» деген сұраққа ол: «Жұлдыз, аш, мен саған ақша төлеп қойғанмын!» деп жауап берген. Журналистің Жұлдыз ол жерде тұрмайды деген сөзінен кейін ер адам қорқыта бастаған.
Диананың шақыртуымен жарты сағаттан кейін келген полицейлер оның есігінен белгісіз біреуді тапты.
Диана Сапарқызы әлеуметтік желіде: «Есігімді қаққан ер адам жезөкшемен KyzdarNet сайты арқылы байланысқа шыққаны белгілі болды. Ол жезөкшенің профилінде менің мекен-жайым бар деп отыр. Бұл адам көрсетілген Жұлдызға 80 мың теңгені аударып, маған келді. СМС-ті көрсетуін өтінгенімде ол жойылғанын айтты. Бұл күмәнді», – деп жазды.
Содан кейін журналист пен тәртіп бұзушы арыз беру үшін Қарағандыдағы полицияның Михайловский бөліміне жеткізілді.
«Тергеуші Жалғас Тұрсынов менің арызымды қабылдағысы келмей, мені итеріп жіберді, ақыры маған күш қолданып, «****-ға бар» деп балағаттады», - деп жазды Диана.
Нәтижесінде Диананың арызын учаскелік полиция қызметкері қабылдады. Журналист ер адам мен тергеушіге қатысты екі арыз берді.
28 маусымда Қарағанды облысының полиция департаменті (ПД) тергеуші Тұрсыновтың заңсыз әрекеттері үшін Диана Сапарқызынан кешірім сұрады. ПД баспасөз хатшысы Бақытжан Құдияровтың айтуынша, қазіргі уақытта тексеру басталып, оның қорытындысы бойынша кінәлі қызметкерлер жауапқа тартылатын болады.
Маусымның 26-сы, 28-і.
Дарья Чужая, «Наша Газета» (Қостанай қ.)
«Наша Газета» тілшісі саяжай қауымдастығындағы оқиғаны қайта тергеуге қол жеткізді
«Наша Газетаның» штаттан тыс тілшісі Дарья Чужая 27 мамырда оны бақша қоғамының аумағында еркінен тыс ұстаған екі белгісіз адамды жаза тарту үшін күресін жалғастыруда. Қостанайдың орталығындағы «Мичуринец» бақша қоғамынан үйге келе жатып, Дарья болашақ мақаласы үшін фото және видео түсірмек болады. Түсірілім кезінде оған екі жігіт жақындап, есірткі салып жүрсің деп айыптап, қорқытып, балағаттап кетуіне мүмкіндік бермейді. Осы оқиға бойынша Дарья полицияға арыз жазды, ал 9 маусымда учаскелік инспектор оның арызы бойынша іс жүргізу шешімі қабылданып арыз қараусыз қалғанын хабарлаған.
Маусымның 28-і күні Дарья Чужая Қостанай қалалық ІІБ бастығы Болат Имановпен оның ісіне қатысты тергеу барысы туралы кездесіп, содан кейін жаңадан арыз жазды. Болат Иманов тергеуді қайта жалғастырып, бұл адамдарды табуды тапсырды. Журналист сот-криминалисттің көмегімен мәліметтер базасын ақтарып, күдіктіні жасы мен ұлты бойынша анықтады.
Маусымның 29-ы күні журналистке оның арызы аумақ бойынша берілгені туралы хабарлама келген.
Маусымның 23-і.
Евгения Балтатарова, ресейлік журналист (Астана)
Ресейлік журналист Евгения Балтатарова Қазақстанда босқын мәртебесін алды
Маусымның 16-сы күні Қазақстанда уақытша тұруға рұқсатын ұзартудан бас тартылып, Ресейге депортациялау қаупі төнген журналист Евгения Балтатарова (РФ) Қазақстан Республикасында босқын мәртебесін алды.
Өзінің Telegram-арнасында журналист «Уақытша тұруға рұқсатты (уақытша болуды тіркеу) анықтама негізінде тіркеу әрекетімен», - деп жазды.
