Журналист Думан Мұхаммедкәрім ұсталды
28 мамыр 2023
Алматы облысында Youtube желісіндегі Ne Deidi арнасының авторы Думан Мұхаммедкәрім ұсталды, деп хабарлады «Ар.Рух.Хак» құқық қорғау ұйымының жетекшісі Бақытжан Төреғожина.
Төрегожина Facebook-те: «Ne Deidi арнасы қайтадан полицияға жеткізілді. 6 және 15 мамырдағы видеоролик үшін ҚР ӘҚБтК-нің 488-бабы 12-тармағы (Қазақстан Республикасының бейбіт жиналыстарды ұйымдастыру және өткізу тәртібі туралы заңнамасын бұзу-АС) бойынша хаттама жасалды», - деп жазды.
1 мамырда Мұхаммедкәрім митингі туралы заңды бұзғаны үшін ұсталып, кейін 25 тәулікке қамауға алынды. Ол 26 мамырда босатылды.
Мұхаммедкәрім 2023 жылы 19 наурызда өткен сайлауда Мәжіліс депутаттығына тәуелсіз кандидат болды.
