Журналист Ардақ Ерубаева полицияға бағынбағаны үшін кінәлі деп танылды
Қыркүйектің 5-і күні Ақтөбенің әкімшілік істер жөніндегі мамандандырылған ауданаралық сотының судьясы Есдәуір Мұратқан Nur.kz тілшісі Ардақ Ерубаеваға қатысты шешімді жариялады.
Сотта адвокат Сисембай Делманов қорғауындағы азаматтың құқығы әу бастан бұзылғанын: ұсталған сәттен бастап қорғаушы келмеді, куәлар бір-біріне қарама-қайшы айғақтар берді, ал полиция дәлел ретінде ұсынған бейнежазба үзінді баяндау болып шықты. Соған қарамастан, тіпті осы «ішінара» бейнеден де полиция өздерін таныстырмады, журналистік куәлік сұрамады, мойынсұну мен бағынбаудың не екенін түсіндірмеді, бірақ бірден журналистің қолын жауып, ұялы телефонын тартып алғанын айтты.
Сот адвокаттың видео дәлелінің толық нұсқасын ұсыну туралы өтінішін қабылдамады. Ардақ Ерубаева полиция қызметкеріне бағынбағаны үшін кінәлі деп танылды (ӘҚБтК-нің 667-бабы 1-бөлігі), оған ескерту жасалды. Журналист сот шешіміне шағымданбақшы.
Естеріңізге сала кетейік, 31 тамызда журналист ҚР премьер-министрі Әлихан Смайыловтың үкіметтік кортежін суретке түсіруге тырысқан болатын. Бірақ оны бірден азаматтық киімдегі өздерін таныстырмаған және қызметтік куәлігін көрсетпеген екі ер адам ұстап алып, АІІБ-ге алып кеткен. Онда Ардақ Ерубаеваны үш сағат ұстаған.
Полицияның мәліметінше, БАҚ-тың ешбір белгісін тақпаған журналист күзетілетін адамның кортежіне қарай топтан атып шыққан. Ардақ өзі бейбіт тұрғындардың қатарында тұрғанын, алға шықпағанын және кортежді түсіру үшін ұялы телефонмен қолын көтергеннен кейін ұсталғанын хабарлады.
