Ақтөбеде Nur.kz және Orda.kz тілшісі Ардақ Ерубаева ұсталды
31 тамыз 2022
31 тамызда Nur.kz және Orda.kz тілшісі Ардақ Ерубаева Ақтөбеде Қазақстан премьер-министрі Әлихан Смайыловты камераға түсіріп алуға тырысқан кезде ұсталды.
Журналист полиция бөліміне жеткізіліп, онда шамамен үш сағат отырды.
Ақтөбе облысының полиция департаменті Ардақ Ерубаеваның ұсталғанын растады. Полиция мәлімдегендей, журналист ішкі істер қызметкерлерінің заңды талабын орындаудан бас тартқан.
«Премьер-министр күзетілетін адам. Қызметкерлер нұсқаулыққа сәйкес әрекет етіп, кортежге қарай жүгірген Ерубаеваны ұстады», - деді полиция.
Ақтөбелік полицейлер журналистің құқықтары туралы ештеңе білмейтін сияқты.
