ЮНЕСКО Мұратхан Базарбаевтың қайтыс болуы туралы
ЮНЕСКО-ның Бас директоры Қазақстан билігін Алматыдағы наразылықтар кезінде БАҚ қызметкері Мұратхан Базарбаевтың өлімін зерттеуге шақырды.
- Мен Мұратхан Базарбаевтың өлімін айыптаймын. Қазақстан билігін Базарбаев мырзаның өлімін зерттеуге және кінәлілерді жауапқа тартуға шақырамын. Мұндай шабуыл баспасөз бостандығы мен қоғамның сенімді ақпаратқа қол жетімділігіне нұқсан келтіреді, - деді ЮНЕСКО Бас директоры Одри Азулай.
Естеріңізге сала кетейік, «Алматы» телеарнасының түсірілім тобының жүргізушісі Мұратхан Базарбаев 6 қаңтарда қайтыс болған. «Алматы» телеарнасының бас директоры Нұржан Жалауқызы түсірілім тобына қандай жағдайда шабуыл жасалғанын айтып берді:
«Олар 6 қаңтар күні кешке Республика алаңында видео түсіруге кетті. Армия алаңды тазалап жатқанын айтты. Әл-Фараби даңғылынан Фурмановқа бұрылып, төмен түсе бастағанда, олароққа ұшты».
Нұржан Жалауқызы түсірілім тобы қала әкімдігі ғимаратына бара жатқан кезде Алматы әкімі кортежінің құрамында болғанын растады.
