Оралда журналист Лұқпан Ахмедьяров ұсталды
Бесінші қаңтар күні таңертең Лұқпан өз көлігімен келе жатып артында полиция көлігі келе жатқанын байқаған. Оның көлігін тоқтатып, екі адам оны «жеткізу үшін» ұсталғанын хабарлайды. Бұған дейін журналистке ешкім ешқандай шақыру қағазын бермеген. Егер сотталушы шақыру қағазына өз еркімен келмесе сәйкесінше полицияға мәжбүрлеп жеткізіледі. Бұл туралы сөз болуы мүмкін емес. Соған қарамастан Ахмедьяров ұсталды.
- Лұқпан өзінің ұсталатынын түсінген кезде маған қоңырау шалды, мен олардың бүкіл әңгімесін естідім, - деді Ахмедьяровтың әріптесі Рауль Упоров. - Көлікті тоқтатқандар ұзақ уақыт бойы өздерін таныстырғысы келмеді, бірақ соңында өздерін атады. Айтуынша, олар Бағдат Төгелов пен Мейірбек Ихласов. Лұқпан ешқандай шақыру қағазын алмағанын түсіндіруге тырысты және олардан оны беруді талап етті. Олар оған шақыру қағазын көрсетті ме, жоқ па, айта алмаймын, мен олардың әңгімесін ғана ести алдым, бірақ оған шақыру берілмеді. Бір сәтте әңгіме үзілді, оны алып кеткенін түсіндім.
Ахмедьяров қалалық ішкі істер бөліміне жеткізілді.
- Маған бірнеше сұрақ қойылды, - деді журналист. - Мен қалалық бөлімде бірнеше сағат өткіздім. Тергеуші Бигалиев мені тыйым салынған ұйымдарға қатысым бар ма, жоқ па сол туралы сұрады. Қандай жағдайға қатысты екені белгісіз.
Жауап алу аяқталғаннан кейін тергеуші Ахмедьяровқа сол күні сағат 16.00-ге шақыру қағазын тапсырды. Оған полицияға келуді сұраған іс шақыру қағазында көрсетілмеген.
