Лұқпан Ахмедьяров Атырау тас жолында ұсталды

14.00

3 ақпан күні таңертең «Уральская неделя» газетінің бас редакторы Лұқпан Ахмедьяров операторы мен орынбасары Раул Упоровпен бірге Атырауға материал дайындау үшін жолға шыққан. Бүгін Макс Боқаев бостандыққа шығуы тиіс еді. Тас жолда полиция қызметкерлері Лұқпанды ұстап алып, Абай аудандық полиция бөлімшесіне жеткізді.

Раул Упоровтың айтуынша, журналисті ұстау үшін полицейлер ауа-райын сылтау етіп тас жолда кептеліс ұйымдастырды. Ахмедьяров ұсталғаннан кейін бірден тас жол ашылды. «Біз қаладан полиция келіп, шақыру қағазын Лұқпанға тапсырғанша, Көшім маңында кептелісте тұрдық. Осыған байланысты жүздеген көліктер тас жолдың ашылуын күтті. Бұл тек полиция шақыруы 5 ақпанға ауыстырылған Лұқпан Ахмедьяровтың ғана конституциялық құқығының бұзылуы емес, тас жолда кезекте тұрып қалған барлық азаматтардың конституциялық құқықтары бұзылды», - деді Раул Упоров телефон арқылы.

Лұқпанның өзі: «Мені алып кетті. Әрине, одан әрі тұра берер едім, бірақ олар қамауды өзгерту үшін Көшім бекетінде жүздеген машинаны тоқтатты. Микроавтобуспен полиция қызметкерлері келді, олардың бірі: «Міне, сізді мәжбүрлеп жеткізу туралы қаулы бар» деді. Оның үстіне, бұл шешімді кеше маған 5 ақпанға шақыру қағазын берген сол тергеуші жазып берді! Енді олар маған келмедің дейді, сондықтан мені бірден күштеп жеткізу керек екен. Қазір Абай полиция бөліміне апара жатыр, менен сол іс бойынша қорғану құқығымен куәгер ретінде жауап алады» дейді.

Қазіргі уақытта Лұқпан Орал қаласының Абай полиция бөлімшесінде.