Алматыда «Трибуна. Саяси қалам» газетінің бас редакторы Жанболат Мамай ұсталды

10 ақпанда Facebook әлеуметтік желісінде «Трибуна. Саяси қалам» газетінің редакциясы мен бас редакторы Жанболат Мамайдың үйінде тінту жүріп жатыр деген хабар пайда болды. Артынан ИА KazINFOToday Ж.Мамайдың Сыбайлас жемқорлыққа қарсы іс-қимыл Ұлттық бюросы қызметкерлері «БТА» қаржысын қымқырған Мұхтар Әбләзовтің тергеу ісі шеңберінде ұсталғанын хабарлады.

Ж. Мамаймен және редакция қызметкерлерімен байланысқа шығу мүмкін болмай тұр, себебі олардың телефондары өшірілген. 10 ақпанның сағат 12.30-ында Сыбайлас жемқорлыққа қарсы іс-қимыл Ұлттық бюросының сайтында Ж.Мамайдың ұсталғаны туралы ақпарат жоқ.