Апелляциялық сот ADAM bol журналын жабу туралы шешімді заңдастырды

26 ақпан күні Алматы қалалық сотында  Медеу аудандық сотының ADAM bol журналын жабу туралы шешіміне редакцияның апелляциялық арызы бойынша сот отырысы өтті.

Судья Я.Т. Нәбиев бірінші инстанцияның шешімін  өзгеріссіз қалдыру туралы Қаулы шығарды. 

Естеріңізге салайық, Алматының Ішкі саясат басқармасының талабы бойынша судья А.Әбішеваның шешімімен журнал 24 желтоқсанда жабылды. Талапқа сылтау болған Украинада тұратын қазақстандық Айдос Садықовтың журналда басылған «Наши на чужой войне» интервьюі. Талапкер мақаладан агрессивті соғыстың насихатын көрген.