Құқық қорғаушы Бақытжан Төреғожинаның Facebook-тегі аккаунты бұғатталды
2026 жылғы 10 тамыздан бері қазақстандық құқық қорғаушы Бақытжан Төреғожинаның Facebook парақшасы толығымен бұғатталды. Ал Instagram аккаунты жаппай «страйк» шабуылына ұшырап, жойылу қаупі бар.
Журналист әрі құқық қорғаушы Сергей Дуванов: «Бақытжан Төреғожина ФБ-те өшірілді. Не үшін? Ол сайлау туралы жазбаған. Президентке тиіспеген немесе оның айналасындағылар қызықтырмаған, соңғы уақытта «экстремистік» сипаттағы жазба жарияламаған. «Авторлық құқықты бұзу» сылтауымен өшірілген. Әлде сайлау алдында сақтық үшін бейтараптандыруды жөн көрді ме? Олай болса өшірілгендер тізіміне «сенімсіздер» санатындағы өзгелер де қосылуы әбден мүмкін», - деген пікір білдірді.
Бақытжан Төреғожинаның парақшасының бұғатталуы тәуелсіз журналистерге бағытталған ауқымды кибершабуыл толқынының бір мысалы. Құқық қорғаушылар мен журналистер қауымдастығы бұл жағдайды 23 тамызда өтетін сайлау алдындағы сөз бостандығын жүйелі түрде шектеу деп бағалайды.
